ВИП арената во СЦ Борис Трајковски беше центарот на задоволни семејства, кои денеска низ ревијални спортски натпревари имаа можност да се дружат, спортуваат и забавуваат со нашите македонски спортски ѕвезди од редот на Филип Кузмановски, Томи Стефановски, Евгениј Поп Ацев, Лина Ѓорческа,Мартин Несторовски, Огнен Стојановски, Наташа Илиевска, како и спортските легенди, како Стефче Алушевски и Наумче Мојсовски.
Ова е дел од проектот на Агенцијата за млади и спорт,СЦ Борис Трајковски и Сојузот на спортски федерации на Македонија, кој по втор пат на едно место ги собра познатите спортисти, културни умeтници и граѓани со една и единствена цел да го промовира спортот преку семејните вредности.
Во овие рекреативни и друштвени игри сите беа “победници”, немаше поразени, а низ дружењето, дечињата одблизу ја почуствуваа атмосферата во Вип Арената СЦ Борис Трајковски во која се испишани најголемите спортски, репрезентативни и клубски успеси.За сите учесници имаше симболични спортски награди.
“Промоцијата и воздигнувањето на спортот, негувањето на семејните вредности и мотивирањето на граѓаните за што почесто спортување и спортско дружење со своите семејства е една од главните причини за реализација на овој проект. Убеден сум дека на ваков начин ќе придонесеме за подигнување на свеста за водење на спортски и здрав начин на живот од една страна,но и за одржување на семејните врски и вредности преку спортските активности” – изјави директорот на Агенцијата а млади и спорт Марјан Спасески.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
