Лоша вест за Арсенал: ПСЖ тргнува по Алексис Санчез - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
20/08/2017 18:54
Кошарка
20/08/2017 14:14
Кошарка
19/08/2017 23:06
Кошарка
19/08/2017 22:06

Лоша вест за Арсенал: ПСЖ тргнува по Алексис Санчез

Лоша вест за Арсенал: ПСЖ тргнува по Алексис Санчез

Арсенал ќе има уште потешка задача да го убеди Алексис Санчез на потпишување на нов договор откако ПСЖ влезе во трката за ангажман на одличниот офанзивец. Актуелниот договор на Алексис со „топчиите“ истекува во јуни 2018 година, па доколку Чилеанецот не ја продолжи соработката до крајот на сезонава, огромна е шансата дека тој ќе биде продаден за да не се ризикува наредното лето да си замине без никаква отштета.

Венгер не сака ни да чуе за продажба на својот најдобар фудбалер, но Алексис веќе одби неколку понуди на „топчиите“, онаа последната со неделна плата од 200.000 фунти. Кинеските клубови му нудат над 400.000 фунти неделно на Чилеанецот, но тој барем засега ги одбива и овие понуди, предност давајќи му на лондонскиот клуб.

Сепак, ситуацијата би можела да се промени откако ПСЖ влезе како заинтересирана страна во оваа „приказна“. Арапските газди на францускиот шампион се познати по тоа што не жалат пари за да ги доведат фудбалерите што ги посакуваат во своите редови, па сигурно без проблем ќе издвојат и 300.000 евра неделно, сума за која се шпекулира дека Санчез би прифатил договор. Во ситуација кога лани не доведоа адекватна замена за Ибрахимовиќ, а сезонава тимот игра крајно променливо, „светците“ се решени значително да ги засилат своите редови, а токму Алексис се наоѓа на врвот на листата со желби на директорот Патрик Клајверт.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.