Македонија скокна 33 места на ФИФА листата - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
26/05/2017 16:51
Ракомет
25/05/2017 21:10
Коментари
25/05/2017 18:53
Фудбал
25/05/2017 14:47

Македонија скокна 33 места на ФИФА листата

Македонија скокна 33 места на ФИФА листата

Конечно малку напредок за македонската репрезентација на ФИФА листата. На најновата ранкинг листа, по претходните победи против Лихтенштајн и Белорусија, Македонија напредуваше за 33 позиции, па овој месец ќе биде на 130. место на ФИФА рангирањето.

Со 225 бода, македонската селекција конечно ги прескокна на листата репрезентациите од „белиот свет“ кои главно служат за потсмев во фудбалските кругови.

Од репрезентациите кои се во нашата квалификациска група за пласман на СП 2018, Шпанија без промени е на 10. место, додека Италија напредуваше за три позиции па сега е на 12. место. Израел е на 63. место на најновото рангирање, додека Албанија назадувајќи 12 позиции, сега е на 66. место.

На чело на листата, има промена на водечките позиции. После цели седум години сега Бразил е на чело на ФИФА листата пред Аргентина, а понатаму во Топ 10 следат Германија, Чиле, Колумбија, Франција, Белгија, Португалија, Швајцарија и Шпанија.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.