Македонија, Словенија и Црна Гора со заедничка кандидатура за ЕП 2022 - Екипа
Сакај СПОРТ!   Читај Спорт!   Живеј СПОРТ!
Ekipa
Коментари
11/12/2017 12:49
Ракомет
11/12/2017 11:00
Меѓ. Фудбал
10/12/2017 19:26
Кошарка
10/12/2017 19:35

Македонија, Словенија и Црна Гора со заедничка кандидатура за ЕП 2022

Македонија, Словенија и Црна Гора со заедничка кандидатура за ЕП 2022

Постојат реални шанси Македонија да биде домаќин на Европското сениорско првенство во женска конкуренција во 2022 година што би го организирале заедно со Словенија и со Црна Гора, потврдуваат од Ракометната федерација на Македонија. На 1 септември заврши рокот за доставување писма со интерес, а ЕХФ денеска ги објави сите пристигнати кандидатури за организација на Европските првенства во 2022 и во 2024 година.

Од Ракометната федерација на Македонија испратија заедничка кандидатура за организација на ЕП 2022, со Словенија и со Црна Гора и според потврдата од ЕХФ, нема други противкандидати за домаќини на овој шампионат.

Во наредниот период ќе следуваат неколку фази за спроведување на кандидатурата, кои меѓу другото содржат инспекција на одговорните лица од ЕХФ и евалуација на кандидатурата. Конечната одлука за доделување на организацијата на ЕП 2022 ќе биде донесена во јуни 2018 година, на конгресот на ЕХФ, во Глазгов, соопштуваат од РФМ.

Доколку ЕХФ ја прифати кандидатурата, тоа ќе биде второ сениорско Европско ракометно првенство што ќе се одржи  во Македонија. Претходно, Македонија беше домаќин на Европското првенство за ракометарки во 2008 година.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.