Македонска ракометна ренесанса (фотогалерија) - Екипа
Сакај СПОРТ!   Читај Спорт!   Живеј СПОРТ!
Ekipa
Кошарка
22/08/2017 15:25
Меѓ. Фудбал
22/08/2017 13:31
Коментари
21/08/2017 19:51
Фудбал
21/08/2017 18:52

Македонска ракометна ренесанса (фотогалерија)

Македонска ракометна ренесанса (фотогалерија)

Не станува збор само за победата од 13 гола разлика против селекцијата од која пред осум месеци загубивме со „минус седум“. Не е за головите на Кире, кои сме ги имале секогаш кога е неопходно, ниту за одбраните на Борко, кои се во многу поголем број откако Раул седна на клупата, туку за едноставниот факт – Македонија личи на сериозна репрезентација.

Буквално сите играчи го потенцираат истото – сега секој точно знае што треба да прави. А кога тоа ќе се каже „со убаво“, очигледно и многу полесно се разбира. „Отпишаните“ блескаат во вистински момент, младите играат на високо ниво и истовремено добиваат на искуство, оние најискусните добиваат поштеда за да ги сочуваат силите.

Раул Гонзалес дефинитивно знае што право со македонскиот национален тим, а кога постави ваква игра со вкупно десетина дена тренинзи, јасно е зошто оптимизмот е уште поголем ако се знае дека тој ќе има доволно време за целосни подготовки пред ЕП во Хрватска.

Ракометот во нашата држава доживува ренесанса во оваа 2017 година, нека продолжи со исто темпо и во новата 2018.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.