Матлиески дебитираше со победа на клупата на Пролет - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
24/11/2017 17:32
Кошарка
23/11/2017 21:55
Фудбал
23/11/2017 20:53
Кошарка
23/11/2017 19:42

Матлиески дебитираше со победа на клупата на Пролет

Матлиески дебитираше со победа на клупата на Пролет

Тинекс Пролет под водство на новиот тренер, Никола Матлиески, славеше сигурна победа против Радовиш (23-17), во натпреварот од 7.коло во машката Супер лига. Матлиески дојде на местото на Илија Темелковски по неговата изненадна преселба на клупата на Работник. Ова е четврта победа во серија на скопскиот суперлигаш за која најзаслужен беше голманот Стефан Кимевски кој запиша 14 одбрани од кои три одбранети седмереци.

Победа во ова коло славеше и екипата на Охрид која минатата недела остана без Марко Кежиќ. Охриѓани и со преполовен тим се вратија со полн плен од гостувањето против Борец во Велес (26-20). Блажевски со седум и Младеновски со пет гола беа најефикасни во гостинскиот тим, а одново сигурен на голот на Охрид беше Благојче Трајковски со 17 одбрани.

Еурофарм Работник многу потешко од очекувањата славеше победа во Прилеп, во натпреварот со најмалку голови во ова коло (19-14).

Победничката серија ја продолжи и Пелистер со петтиот триумф по ред. Битолчани беа убедливи против Вардар јуниор (34-23).

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.