Мекларен им се враќа на моторите од Мерцедес? - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
26/05/2017 16:51
Ракомет
25/05/2017 21:10
Коментари
25/05/2017 18:53
Фудбал
25/05/2017 14:47

Мекларен им се враќа на моторите од Мерцедес?

Мекларен им се враќа на моторите од Мерцедес?

Тимот на Мекларен непосредно пред стартот на новата сезона во Формула 1, може да го смени производителот на мотори. На двонеделните претсезонски тестирања во Барселона, возачите на Мекларен имаа голем проблем со моторите на Хонда кои се покажаа несигурни и неконкурентни. На тоа со критика реагираше и Фернандо Алонсо. А, очекувана реакција од Мекларен е да бараат решение со друг производител.

Според британските медиуми, од раководството на Мекларен се одлучиле да контактираат со големиот ривал Мерцедес и повторно да се вратат на нивните мотори пред стартот на првата трка од новата Ф1 сезона, на 26 март во Мелбурн.

Соработката на Мекларен со Хонда почна во 2013 година и сезонава се очекуваше конечно британскиот тим да има конкурентен болид, но уште на првите тренинзи имаа сериозни проблеми со моторите на Хонда.

Проблем за Мекларен е тоа што договорот со Хонда е вреден 100 милиони долари годишно, а покрај тоа, јапонскиот автомобилски гигант обезбедува и половина од платите на возачите. Со потенцијално раскинување на договорот со Хонда, Мекларен ризикува и да ги загуби спонзорите од Бахреин и Саудиска Арабија кои учествуваат во финансирањето на екипата.

Птретходно, Мекларен 15 години беше партнер со Мерцедес, се до 2009 година кога Британците решија да основаат сопствен тим, но и понатаму ги користеа моторите на Мерцедес се до враќањето на Хонда во Ф1 во 2013 година.

Мерцедес доминира во Ф1 од воведувањето на хибридните мотори во 2014 година, откога германскиот тим освои три шампионски титули, додека Мекларен во меѓувреме само два пати успеа да стигне до подиумот, без ниедна победа.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.