Мифтари: МЗТ коректно ни излезе во пресрет, ќе бидеме гости во Аеродром - Екипа
Сакај СПОРТ!   Читај Спорт!   Живеј СПОРТ!
Ekipa
Кошарка
23/10/2017 22:47
Ракомет
23/10/2017 17:02
Коментари
23/10/2017 13:15
Останато
22/10/2017 20:35

Мифтари: МЗТ коректно ни излезе во пресрет, ќе бидеме гости во Аеродром

Мифтари: МЗТ коректно ни излезе во пресрет, ќе бидеме гости во Аеродром

Натпреварот меѓу Шкупи и МЗТ Скопје во рамките од второто коло од Првата кошаркарска лига на Македонија ќе се игра следната седмица во Аеродром, но само затоа што двата клуба се договориле за менување на домаќинствата. Иако на официјалното делегирање од страна на МКФ стои дека домаќин ќе биде Шкупи, тренерот на овој клуб, Енвер Мифтари, објаснува дека неговиот тим ќе дојде во Аеродром како гостин.

Имавме договор со МЗТ Скопје поради некои работи во салата во Чаир што треба да ги корегираме, да ги замениме домаќинствата. Тоа е причината поради која ќе играме во Аеродром, а управата на МЗТ Скопје коректно ни излезе во пресрет. Ние ќе бидеме гости во Аеродром, а потоа во вториот дел од сезоната ќе го пречекаме шампионот во нашата сала во Чаир“ – изјави Мифтари.

Според него, изненадувачки е што Шкупи не добива зелено светло за настап во својата сала иако и уште неколку арени ширум Македонија не ги задоволуваат критериумите што МКФ ги посочува како задолжителни.

Да бидам искрен, не ми се допаѓа што цело време акцентот се става на Шкупи. Нашата сала не чинела, а услови нема ниту во Куманово, во Битола, па критериумите не ги задоволува ниту салата на Работнички. Ние ги финишираме работите и се надевам дека веќе од третото коло ќе ни биде дозволено да бидеме домаќини во Чаир“ – истакнува Енвер Мифтари.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.