Милевски: Ќе има промени, овие фудбалери не можат да се носат со предизвикот - Екипа
Сакај СПОРТ!   Читај Спорт!   Живеј СПОРТ!
Ekipa
Фудбал
19/11/2017 21:29
Кошарка
19/11/2017 20:35
Фудбал
19/11/2017 19:59
Фудбал
19/11/2017 19:09

Милевски: Ќе има промени, овие фудбалери не можат да се носат со предизвикот

Милевски: Ќе има промени, овие фудбалери не можат да се носат со предизвикот

Младата фудбалска репрезентација на Македонија до 21 година загуби со убедливи 0-4 од Австрија на арената „Филип Втори“ во Скопје, по што е повеќе од очигледно дека оваа генерација не може да се бори за првите позиции во групата и да го повтори успехот на минатата, која оствари историски настап на ЕП. Причините се евидентни, нема таков квалитетот меѓу избраниците на селекторот Благоја Милевски.

Токму затоа, селекторот најави и коренити промени во селекцијата, затоа што голем дел од фудбалерите не можат да одговорат на предизвикот и товарот што го носат настапите во младата репрезентација до 21 година.

„После пораз од 0-4, нема што многу да се каже. Честитки за победата на Австрија, а ние имаме големи проблеми. Одговорноста за резултатите е моја, а јас можам да најавам дека ќе има големи промени и дека ќе почнеме со селектирање на нови фудбалери, веќе од март. Очигледно е дека поголем дел од овие фудбалери не можат да се носат со предизвикот и да одговорат на барањата што ги бара репрезентацијата до 21 година, посебно по успесите што ги оствари минатата генерација“, изјави Благоја Милевски.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.