Милевски: Одговорноста за срамниот пораз е моја! И се извинувам на македонската јавност! - Екипа
Сакај СПОРТ!   Читај Спорт!   Живеј СПОРТ!
Ekipa
Кошарка
23/10/2017 22:47
Ракомет
23/10/2017 17:02
Коментари
23/10/2017 13:15
Останато
22/10/2017 20:35

Милевски: Одговорноста за срамниот пораз е моја! И се извинувам на македонската јавност!

Милевски: Одговорноста за срамниот пораз е моја! И се извинувам на македонската јавност!

Селекторот на младата репрезентација на Македонија, Благоја Милевски целокупната одговорност за вчерашниот пораз од Гибралтар ја стави на свој грб, во својата изјава истакнувајќи дека сите заедно добиле сурова казна но сега мора да се покаже сила, сплотеност и заедништво да се дојде до следните посакувани резултати.

„Нема оправдување, ова е срамен резултат и ја преземам одговорноста. Искрено жалам и упатувам извинување до целата јавност и навивачите, до Федерацијата која ни ги овозможи бараните услови за работа. Со репрезентацијата ги доживеав најубавите моменти во мојата кариера, а по синоќешниот пораз и најтешките моменти. Ќе повторам дека не бараме оправдување, ниту во неиграњето на Елиф Елмас, ниту за многуте неискористените шанси за погодок. Едноставно, со или без Елмас, ние моравме да најдеме начин да го победиме противникот. Јас сум тој кој го одредува составот и одговорноста е моја. Модерниот фудбал не трпи емоции, едноставно сурово сме казнети и мора да го прифатиме тоа. Најважно сега за оваа репрезентација е да бидеме сплотени, заедништвото одново да биде наша сила. Во изминатата година оваа репрезентација на неколку натпреварите покажа дека има потенцијал, искрено се надевам дека ќе продолжиме да бидеме одговорни како во дуелите против Црна Гора и Ерменија и нема да потценуваме противник, но и себе“ – вели Благоја Милевски.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.