Филип Миркуловски со тимот на Вецлар беше поразен од Фленсбург со 19-24, во натпреварот од 17.коло во Бундес-лигата.
Во неефикасната игра на двете страни, Вецлар беше за нијанса поуспешен во првото полувреме и на одмор замина со два гола предност (11-9). Но, гостите во продолжението ја потврдија фаворитската улога, го презедоа водството и на крај запишаа победа.
Миркуловски постигна два гола од три обиди за Вецлар во чиј состав најефикасен беше Максимилијан Холст со шест погодоци.
До крајот на декември и почетокот на зимската пауза, на Вецлар му преостануваат уште два натпревари во Бундес-лигата. На 21 декември на домашен терен против Гумерсбах и на 26 декември во гости против Минден. По завршувањето на клупските обврски во Германија, Миркуловски ќе и се приклучи на македонската репрезентација во подготовките пред настапот на ЕП во Хрватска во јануари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
