Младите ракометарки на 4. место на ЕХФ шампионатот во Скопје

Македонската репрезентација за ракометарки до 17 години го освои само четвртото место на ЕХФ шампионатот што изминатата седмица се одржуваше во Скопје. „Црвено-жолтите“ стартуваа со импресивни три победи, но по вчерашниот убедлив пораз од Полска (14-31) денеска капитулираа и во малото финале, во кое за противник ја имаа Бугарија.

Бугарските ракометни надежи се покажаа во подобро светло од македонските и на крајот заслужено славеа со 30-25. Противникот доминираше во речиси целиот натпревар, на одмор замина со предност од 13-10, а потоа целосно го контролираше резултатот. Македонија најопасно се закани намалувајќи до 21-19, имаше и напад кога нашите ракометарки го погодија дирекот, по што следеше нова серија на противникот за разрешување на сите дилеми околу победникот на оваа средба.

u17 rakomet makedonija zeni

Марија Тасевска со седум гола беше најефикасна во нашата национална селекција, пред Мила Трајковиќ со шест.

Во големото финале, на кое победата значи и пласман во А дивизијата, вечерва ќе се сретнат Полска и Словенија.

Се вчитува...