Може ли Швед да ја реши и Грција? - Екипа
Сакај СПОРТ!   Читај Спорт!   Живеј СПОРТ!
Ekipa
Коментари
20/11/2017 12:12
Кошарка
20/11/2017 11:26
Кошарка
20/11/2017 10:23
Фудбал
19/11/2017 21:29

Може ли Швед да ја реши и Грција?

Може ли Швед да ја реши и Грција?

Русија охрабрена по фантастичната игра и големата победа над Хрватска сега полна со самодоверба ќе влезе во пресметката со селекцијата на Грција (17.45ч), која ќе го даде третиот полуфиналист на Евробаскет 2017. Јасно е дека главната одговорност повторно ќе падне врз Алексеј Швед, извонредниот плејмејкер кој цело првенство е прв играч на „зборнаја“ со просек од 23,7 поени и 6,7 асистенции по натпревар. Тој беше феноменален против Хрватска реализирајќи 27 поени и 12 асистенции, а ќе мора да биде на слично ниво и попладнево ако сака Русија да се вмеша во битката за медали.

Сите сакаме медал. На последните два шампионати не ја минавме групата, што е дополнителна мотивација за нас. Ја почитуваме Грција, знаеме дека нема да биде лесно, но добро трениравме и се чувствуваме подготвени. Ќе биде интересен натпревар, ќе видиме кој ќе се радува на крајот“ – истакна Швед во пресрет на денешниот дуел.

Слично како Русија, и селекцијата на Грција својот најдобар меч досега на шампионатот го одигра во осминафиналето, декласирајќи го големиот фаворит Литванија. Тој триумф значително ја подобри атмосферата во таборот на Грците, кои претрпеа три порази во групната фаза (од Финска, Франција и од Словенија), но се чини одлично ја темпираа формата за клучниот дел од шампионатот.

За разлика од претходните големи натпреварувања, овојпат главен квалитет на грчкиот состав е играта во напад, па така нашиот јужен сосед во просек постигнува по 83 пони со фантастични 41% од шут за тројка.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.