МЗТ со две засилувања - Бојан Трајковски и Андреј Маслинко - Екипа
Сакај СПОРТ!   Читај Спорт!   Живеј СПОРТ!
Ekipa
Кошарка
12/12/2017 22:01
Ракомет
12/12/2017 17:39
Ракомет
12/12/2017 11:00
Коментари
11/12/2017 12:49

МЗТ со две засилувања – Бојан Трајковски и Андреј Маслинко

МЗТ со две засилувања – Бојан Трајковски и Андреј Маслинко

МЗТ Скопје денеска ги официјализираше трансферите на уште двајца домашни кошаркари, потпишувајќи договори со Бојан Трајковски и со Андреј Маслинко, кои ќе го носат дресот на актуелниот првак во новата натпреварувачка сезона. Трансферот на Трајковски што ЕКИПА го најави уште пред повеќе од еден месец денеска е официјализиран, а заедно со искусниот крилен центар на „металците“ им се приклучува и Маслинко, кој ќе биде резервна опција во борбата под кошевите.

Трајковски минатата сезона настапуваше за Карпош Соколи, а претходно има играно и за Балкан стил, Работнички, Фени индустри, Торус, Лирија, Куманово како и за полскиот Чарни Слупск и косовска Приштина. Младинскиот репрезентативец Маслинко доаѓа од таборот на Работнички, а има настапувано и за италијанскиот младински тим Стела Азура.

Претходно, во сино-белиот табор пристигнаа повратниците Дамјан Стојановски и Бобан Стајиќ, Американецот Ерик Гарсија како и талентираните Михајло Митев и Ранко Мамузиќ. Од минатата сезона, пак, под договорна обврска е уште и репрезентативците Марко Симоновски и Адем Мекиќ. За очекување е во најскоро време да биде доведен уште еден квалитетен центар од САД, пред стартот на подготовките што ќе биде закажан најдоцна за десетина дена.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.