Надал и Андерсон ќе водат битка за трофејот на УС Опен - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
20/09/2017 17:32
Фудбал
20/09/2017 15:30
Ракомет
20/09/2017 13:46
Кошарка
19/09/2017 18:29

Надал и Андерсон ќе водат битка за трофејот на УС Опен

Надал и Андерсон ќе водат битка за трофејот на УС Опен

Рафаел Надал и Кевин Андерсон ќе ги одмерат силите во утрешното финале на УС Опен, откако овие двајца тенисери излегоа како победници од синоќешните полуфинални пресметки. Надал одигра фантастичен меч против Хуан Мартин дел Потро, успевајќи да триумфира со 3-1 во сетови. Аргентинецот во минатото коло го изненади Роџер Федерер, но овојпат немаше сили за нова сензација. Дел Потро го доби првиот сет со 4-6, но потоа Надал влезе во својот препознатлив ритам, го збриша Аргентинецот со 6-0 во вториот сет, за да ги добие и следните два со 6-3, 6-2 за пласман во финалето и атак на 16. гранслем титула.

„Во првиот сет играв премногу предвидливо. Ја променив стратегијата откако противникот поведе и тоа беше клучен фактор за оваа победа“ – изјави Надал.

Тој во финалето ќе се сретне со Кевин Андерсон, кој триумфираше над Шпанецот Карено Буста. Идентично како Надал, и Андерсон се соочи со негатива од 0-1 по првиот сет, но потоа заигра многу подобро и со пресврт стигна до своето прво гранслем финале во кариерата.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.