Плејмејкерот на Барселона, Хуан Карлос Наваро вчера славеше јубилеј – 20 години од неговиот прв настап во дресот на каталонскиот клуб. Декласирањето на Макаби во големото дерби во Евролигата, му беше како подарок на 37-годишниот организатор на игра.
Пред почетокот на средбата клубот му додели признание на Шпанецот, а фудбалерот на Барса, Андрес Иниеста во придружба на претседателот Бартомеу, имаше чест да му врачи пехар во знак на 20-годишнината. Барселона го испрати Наваро во легендите, додека двократниот европски шампион одигра севкупно шест минути во големата победа, со скромни три поени.
https://www.youtube.com/watch?v=sGPRFS1guqk
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
