Не бива Светско без Меси...Аргентина патува на мундијалот, и Бразил, Уругвај, Колумбија - Екипа
Сакај СПОРТ!   Читај Спорт!   Живеј СПОРТ!
Ekipa
Кошарка
23/10/2017 22:47
Ракомет
23/10/2017 17:02
Коментари
23/10/2017 13:15
Останато
22/10/2017 20:35

Не бива Светско без Меси…Аргентина патува на мундијалот, и Бразил, Уругвај, Колумбија

Не бива Светско без Меси…Аргентина патува на мундијалот, и Бразил, Уругвај, Колумбија

Аргентина успеа да се квалификува на Светското првенство во Русија, фаќајќи го последниот воз, со триумф над Еквадор од 1-3, и тоа благодарејќи на извонредниот Лионел Меси, кој постигна хет – трик. Еквадор поведе уште во првата минута со голот на Ромарио Ибара во првата минута, но Меси сепак брзо ги врати „гаучосите“ во игра израмнувајќи во 12.минута. Само осум минути подоцна Меси донесе и водство за Аргентина, а третиот гол го постигна во вториот дел.

Бразил со триумф над Чиле од 3-0 го завери патот на СП, а стрелци на головите беа Паулињо и Габриел Хесус, кој постигна два погодоци. Чилеанците со овој пораз испаднаа од конкуренција за мундијалот.


Уругвај со 4-2 ја совлада Боливија на домашен терен и се пласира на СП во Русија, а Перу и Колумбија ремизираа (1-1), што им одговараше и на двете селекции. Колумбијците како четвртопласирани одат директно на мундијалот, а Перу ќе мора да мине и бараж за да ја види Русија. Парагвај можеше да биде во баражот, но му беше потребна победа, а на крајот загуби дома од Венецуела со 0-1.

Квалификации во Јужна Америка за СП, последно коло

Еквадор – Аргентина 1-3, Бразил – Чиле 3-0, Уругвај – Боливија 4-2, Перу – Колумбија 1-1, Парагвај – Венецуела 0-1

Табела: Бразил 41, Уругвај 31, Аргентина 28, Колумбија 27, Перу 26, Чиле 26…

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.