Не е лесно да си европски првак - Фенербахче загуби од Уникаха - Екипа
Сакај СПОРТ!   Читај Спорт!   Живеј СПОРТ!
Ekipa
Кошарка
12/12/2017 22:01
Ракомет
12/12/2017 17:39
Ракомет
12/12/2017 11:00
Коментари
11/12/2017 12:49

Не е лесно да си европски првак – Фенербахче загуби од Уникаха

Не е лесно да си европски првак – Фенербахче загуби од Уникаха

Кошаркарите на Фенербахче неочекувано ја почнаа одбраната на евролигашката титула со пораз, губејќи со 68-67 на гостувањето во Малага против Уникаха. Тимот на Жељко Обрадовиќ има за што да жали бидејќи во поголемиот дел од мечот имаше предност, во третиот период изразена и со двоцифрена разлика. Сепак, Уникаха ја отвори последната четвртина со серија од 10-0, па потоа во драматичен финиш стигна до победата. Се чинеше дека Шпанците ќе слават рутински откако на две минути до крајот поведоа со 68-60, но Фенер собра сили за серија од седум поени во финишот. Актуелниот европски првак имаше и напад за победа, но обидот на Слукас не беше прецизен, па бодовите останаа во Малага.

Дури десет кошаркари на Униикаха се запишаа меѓу стрелците во вечерашниот триумф, како доказ на колективната победа во која најефикасен беше Шермадини со 12 поени. Кај Фенербахче најдобри стрелци во поразот беа Слукас со 15 и Датоме со 13 поени.

Макаби најави подобри денови по неколкуте кризни сезони, откако израелскиот гигант славеше во Германија над Бамберг со убедливи 71-88. Мора да се истакне дека германскиот тим водеше три четвртини, за потоа Макаби да „експлодира“, добивајќи ги последните десет минути со преубедливи 12-33, за голема победа на стартот од новата сезона. Во главна улога беше ланскиот плејмејкер на Цедевита, Пјер Џексон, кој маестрално го одигра овој меч реализирајќи 27 поени, 9 асистенции и 7 скокови.

Олимпијакос и без помошта на Спанулис триумфираше над Басконија (75-64), меч на кој Принтезис го предводеше грчкиот гигант со 17 поени.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.