Кошаркарите на Фени индустри го завршија својот настап во четвртфиналето на БИБЛ. Тие загубија на гостувањето против Теодо со 81-68 и не успеаја да ја одбранат предноста од три поени (97-100) од првиот меч во Кавадарци. Тоа значи дека Теодо се пласира во полуфиналето каде ќе се сретне со Берое.
Црногорскиот тим уште во првата четвртина ја анулира негативата од првиот меч и ја заокружи со 20-11, а на полувремето имаше четири поени предност (33-29). Теодо ги доби и следните четвртини и на крајот заслужено се пласира во полуфиналето.
Милан Станојевиќ со 19 поени беше прв стрелец во победничкиот тим, додека кај Фени индустри, Георге Шарабидзе и Јане Петровски постигнаа по 14 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
