Неверојатно: Првата петорка во НБА без играчи на Голден стејт! - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
20/07/2017 22:25
Кошарка
20/07/2017 22:38
Фудбал
20/07/2017 19:53
Фудбал
20/07/2017 18:53

Неверојатно: Првата петорка во НБА без играчи на Голден стејт!

Неверојатно: Првата петорка во НБА без играчи на Голден стејт!

Голден стејт вориорс повторно има извонредна сезона, го освои првото место во Западната конференција, а досега е без пораз и на десетте средби во плејофот (4-0 со Портланд и со Јута, водство од 2-0 против Сан Антонио во финалето „од западот“). Токму затоа, изненадувачки е податокот дека ниту еден кошаркар на „воините“ не се најде во првата петорка на НБА-лигата за оваа сезона.

Во идеалната петорка која беше објавена вечерва се најдоа Џејмс Харден и Расел Вестбрук на бековските позиции, потоа Леброн Џејмс и Каваи Леонард, како и центарот на Њу Ослеанс, Ентони Дејвис.

Најдобрата петорка во НБА ја бира комисија од новинари ширум светот, а интересно е што буквално сите кои гласаа, на својот список го вклучија единствено Џејмс Харден.

За Леброн Џејмс ова е 11. пат да биде дел од првата петорка, со што се израмни со Коби Брајант и со Карл Мелоун.

Во втората петорка на НБА-лигата се најдоа Стеф Кари и Кевин Дурант од Голден стејт, потоа Ајзеа Томас од Бостон, Јанис Адетокумбо од Милвоки и францускиот центар на Јута џез, Руди Гобер.

Место во третата петорка на НБА-лигата за оваа сезон изборија Дерозан (Торонто), Вол (Вашингтон), Батлер (Чикаго), Грин (Голден стејт) и Џордан (ЛА клиперс).

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.