Норвешкото „чудо од дете“ ќе игра едно полувреме против Македонија - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
17/11/2017 20:24
Фудбал
17/11/2017 15:37
Ракомет
17/11/2017 12:37
Кошарка
17/11/2017 9:55

Норвешкото „чудо од дете“ ќе игра едно полувреме против Македонија

Норвешкото „чудо од дете“ ќе игра едно полувреме против Македонија

Мартин Одегард важи за бисер на норвешкиот фудбал, но селекторот на оваа репрезентација, Швеѓанецот Ларс Лагербек, е решен да не му дава статус на ѕвезда на асот на Реал Мадрид, кој веќе втора сезона настапува на позајмица во холандски Херенвен. Впрочем, Лагербек за првпат откако е селектор реши да го повика Одегард во составот токму за дуелот против Македонија, на кој талентираниот играч за врска ќе има лимитирана минутажа и речиси сигурно нема да одигра повеќе од едно полувреме.

Сите знаеме дека е голем талент, разговаравме малку околу моите тактички замисли за него. Го гледав во Херенвен каде играше по десната крилна позиција, мојата идеја е во репрезентацијата да игра поцентрално, за да биде повеќе вклучен во играта. Како и да е, минутажата ќе му биде лимитирана бидејќи веднаш по мечот во Скопје ќе замине со младинската репрезентација, за да помогне на квалификацискиот натпревар против Ирска“ – изјави Лагербек.

Одегард последен пат настапи за сениорската репрезентација на Норвешка пред една и пол година, во победата од 2-0 над Финска.

Неколкуте откажувања во последен момент сигурно ќе влијаат врз квалитетот на играта на Норвешка, но селекторот на оваа репрезентација сепак има доверба во оние кои ќе настапат.

Таква е ситуацијата, некои се откажаа но шанса ќе добијат оние кои вообичаено играат поретко. Ако немаме нови проблеми со повреди во следните денови убеден сум дека ќе прикажеме добра игра во Скопје“ – порача норвешкиот селектор.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.