Македонскиот фудбалски интернационалец Даниел Мојсов доби награда за добрите игри во кипарскиот прволигаш АЕК Ларнака во изминатиот период. Раководството на клубот му понуди нов двегодишен договор. Според новиот „дил“, Мојсов ќе остане во АЕК Ларнака до 2020. Претходно, и Иван Тричковски доби продолжување на соработката со овој клуб.
„Многу сум среќен што ќе ја продолжам мојата одисеја во овој клуб. Моето семејство исто така се чувствува многу среќно на Кипар. Мојата цел е да го давам максимумот на секој нареден натпревар во дресот на АЕК Ларнака. Сакам да се заблагодарам на раководството на клубот за довербата, како и на навивачите за поддршката што ми ја даваат лично мене, но и на целиот тим“, изјави Даниел Мојсов за клупскиот сајт.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
