Нова титула за Антиќ - Фенер со чудесен пресврт до „метла“ за Бешикташ - Екипа
Сакај СПОРТ!   Читај Спорт!   Живеј СПОРТ!
Ekipa
Кошарка
22/08/2017 15:25
Меѓ. Фудбал
22/08/2017 13:31
Коментари
21/08/2017 19:51
Фудбал
21/08/2017 18:52

Нова титула за Антиќ – Фенер со чудесен пресврт до „метла“ за Бешикташ

Нова титула за Антиќ – Фенер со чудесен пресврт до „метла“ за Бешикташ

Перо Антиќ ја збогати својата колекција на трофеи со нова титула во турското првенство, oткако Фенербахче славеше со максимални 4-0 во финалната серија против Бешикташ. Македонскиот ас не беше дел од составот на Фенер ниту на вечерашниот четврти меч, но избраниците на Жељко Обрадовиќ повторно славеа на гостински терен, и тоа повторно по продолжение од пет минути со конечни 94-98.

Овојпат успехот е поголем ако се земе во предвид чудесниот пресврт на турскиот првак, кој на нешто повеќе од две минути до крајот имаше негатива од 14 поени (79-65). Фенер се врати, Бешикташ на 19 секунди до крајот поведе со 84-79, но потоа Диксон погоди тројка, па Богдановиќ со нов прецизен шут како и пред неколку дена изнуди продолжение.

Шампионот уште еднаш одигра шампионски и во дополнителните пет минути, контролирајќи го резултатот и на крајот со „метла“ за Бешикташ стигнувајќи со нова титула.

Јан Весели со 26 поени и 11 скокови беше незапирлив под обрачите, додека Богдан Богдановиќ, кој се закити со МВП признанието, го заврши денешниот меч со 23 поени.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.