Атрактивната српска кошаркарка Милица Дабовиќ била претепена синоќа. Како што пренесува српскиот „Курир“, 35-годишната кошаркарка била нападната и претепана од поранешното момче, Хрватот Шиме Шиклиќ Симон, кој се обидел и да ја убие. Мотивот за нападот е љубомора, откако двајцата само пред неколку денови ја прекинале долгогодишната врска.
„Милица има телесни повреди, но и очигледни подливи во пределот на вратот, затоа што Симон се обидел да ја задави. Сепак, успеала да се отргне, и потоа инцидентот да го пријави во полиција“ – пренесува „Курир“.
По пријавата во полиција, веднаш е активирана потрага по него, но се уште нема информации дали е приведен.
Симон и претходно во минатото бил приведуван во полиција поради насилство, и учество во физички пресметки.
Милица Дабовиќ е една од најпознатите српски кошаркарки. Професионалната кариера ја заврши на крајот од минатата сезона, заокружувајќи бројни успеси и во клупската и во репрезентативната кариера.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА