Од Ренова огорчени на судењето: Кој во ФФМ сака да го уништи клубот!?

Ренова ремизираше без голови против Силекс на денешниот натпревар од 20. коло во Првата македонска фудбалска лига. Но, од раководството на „гипсарите“ сметаат дека за тој резултат кумувало и тенденциозното судење на делителите на правдата.

Од ФК Ренова со допис до нашата редакција реагираат на судењето прашувајќи се кој во ФФМ сака да му наштети на клубот, затоа што сметаат дека сето тоа веќе често се случува.

Соопштение од ФК Ренова ви го пренесуваме во целост:

ФК “РЕНОВА АД” – Џепчиште  по  кој  знае  кој  пат  пак  се јавува  со  Реакција  бидејќи  клубот  повторно  е  цел  на  структурите  на  ФФМ  поточно  на  Судиската  комисија  на  ФФМ.

Секогаш  ама  баш  секогаш  кога  ФК Ренова АД  ќе  успее  во  некое  коло  да  извлече  позитивен  резултат  од  некое  гостување ( такво  беше  во  19.  коло  и  натпреварот  против  ФК Работнички  АД ) тогаш  по  правило  следното  коло  веднаш  ни  се  спрема  сопка ( глава  да  не  дигнеме )  од  страна  на  структурите  на  ФФМ. Така  беше  сега,  но  така  беше  и  претходно. Видете  ги  сите  наши  досегашни  Реакции  па  ќе  се  уверите  и  самите  во  тоа.

Имено , на  денешниот  натпревар  од  20.  коло : ФК  Ренова  АД – ФК  Силекс  АД , однесувањето  на  судиската  четворка (особено  на  главниот  судија   Влахо  Константин)  од  почетокот  на  натпреварот  беше  крајно  сомнително. Односно  истиот  толерираше  особено  груба  игра  на  гостинската  екипа  при  што  имаше  ситуација  кога  на  гостинскиот  фудбалер  со  број  4 ( Гуцев  Б. ) требаше  да  му  се  додели  2  жолт  односно  црвен  картон. Истиот  овој  судија  не  му  го  додели  се  со  цел  гостинската  екипа  прерано  да  не  остане  со  10  фудбалери. Тука  се  видоа  лошите  намери  на  главниот  судија  односно  неговите  намери  во  секој  случај  да  се  заштити  гостинската  екипа  као  бела  мечка.                               

Друга  приказна  е  толерирањето  на  пречестите  играња  со  лакт  на  гостинските  фудбалери  кон  нашите. Ваква  груба  гостинска  екипа  и  вака  толерирана  од  главниот  судија  не  сме  виделе  одамна  во  нашите  стадиони.

Бидејќи  вакви  судиски  неправди  нам  како  ФК Ренова АД  ни  се  случуваат  пречесто  изминатава  сезона , логично  се  поставува  прашањето :

  • Кој тоа  во  ФФМ  има  вперено  прст  кон  ФК Ренова  АД  и  сака  по  секоја  цена  овој  клуб  да  го  оштети  и  уништи.
  • Дали крајната  првенствена  табела  некој  веќе  ја  скроил,  поточно  дали  некој  веќе  одредил  кои  клубови  ќе  добијат  излез  во  европските  купови  а  кои  ќе испаднат  од  Лигата  и  дали  ФК Ренова  АД  веќе  Тој  или Тие  истиот го  ставил  во Втората  група  на  екипи.

Ние  како  клуб  кога  ќе го  разбереме  името  на  тој  господин  или  повеќе  од  нив  јавно  ќе  го  објавиме. Во  моментот  се  сомневаме  во  неколку  од  нив.

До  Тој/Тие  кои  вака  дрско  се  осмелуваат  да  му  наштетат  на  ФК Ренова  АД  им  порачуваме  дека  правдата  можеби  споро  но  на  крајот  ќе  ги  стигне  и  дека  самите  тие  судии  кои  што  сега  работат  по  неговите/нивните  инструкции  на  крајот  ќе  признаат  зошто  така  се  однесувале  односно  по  чии  инструкции.

ФК Ренова АД  во  својот  историјат  бил  и  пред  поголеми  предизвици  и  пак  опстанал. Така  ќе  биде  и  сега. 

Со  почит,

ФК РЕНОВА АД                                                            

Се вчитува...