ОФИЦИЈАЛНО: Енис Барди три години во Леванте! - Екипа
Сакај СПОРТ!   Читај Спорт!   Живеј СПОРТ!
Ekipa
Кошарка
24/08/2017 12:05
Тенис
24/08/2017 1:34
Фудбал
23/08/2017 21:31
Фудбал
23/08/2017 20:12

ОФИЦИЈАЛНО: Енис Барди три години во Леванте!

ОФИЦИЈАЛНО: Енис Барди три години во Леванте!

Шпанскиот прволигаш Леванте и официјално го потврди трансферот на македонскиот репрезентативец Енис Барди!

22-годишниот македонски фудбалер стави потпис на договор со тимот од Валенсија за соработка во следните три години, со можност за продолжување на истиот на уште две сезони. Официјалната промоција на Енис Барди, како што информираат од Леванте, ќе биде утре од 17 часот на стадионот на Леванте во Валенсија.

Како што претходно објавивме, Барди меѓу понудите од Видеотон, Штутгарт и Динамо Загреб, се одлучи да ја прифати онаа од Леванте, пред се поради желбата да настапува на Пиринејскиот полуостров.

Трансферот од Ујпешт во Леванте, според најавите, ќе изнесува 1,5 милиони евра а унгарскиот тим, според договорот, ќе добие и 10% од следниот трансфер на Енис Барди.

Фудбалерот од средниот ред беше најдобиот македонски репрезентативец на Европското првенство за играчи до 21 година кое ова лето се одржа во Полска. Претходно во својата кариера, покрај за Ујпешт, има настапи и за младинската екипа на дански Брондби, како и за шведскиот нисколигаш Преспа Бирлик.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.