ОФИЦИЈАЛНО: Кире Лазаров го избра Нант - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
30/03/2017 14:48
Фудбал
30/03/2017 14:31
Фудбал
30/03/2017 10:28
Интервју
29/03/2017 16:15

ОФИЦИЈАЛНО: Кире Лазаров го избра Нант

ОФИЦИЈАЛНО: Кире Лазаров го избра Нант

Не минаа ниту 24 часа откако претседателот на Нант откри дека е во исчекување на одговорот од Кире Лазаров, а истиот веќе пристигна – и веќе одлична вест за амбициозниот француски прволигаш. Токму Нант ќе биде новиот клуб на македонскиот „бомбардер“, откако Лазаров ја прифати понудата за двогодишна соработка со оваа екипа, потпишувајќи договор до јуни 2019 година.

Доаѓањето на Кире Лазаров е огромна работа за нашиот клуб. Ситуацијата е слична како кога Алберто Ентрериос доаѓаше во нашиот клуб, станува збор за две глобални спортски ѕвезди. Фактот дека успеавме да доведеме ракометар со реноме како Кире Лазаров го сместува Нант во една поинаква ракометна димензија и е доказ за еволуцијата на нашиот клуб“ – изјави тренерот на Нант, Тјери Анти.

Задоволството од реализираниот трансфер не го криеше ниту првиот човек на францускиот прволигаш, претседтелот Гаел Пелетие.

Откако во своите редови имавме познати играчи како Клајн, Гурбиндо и Нјокас, денеска со гордост објавуваме дека се договоривме за двогодишна соработка со Кире Лазаров. Тој е еден од најдобрите играчи во светот, не постои друг начин да се опише работата што Лазаров ја врши во нападот. Неговиот трансфер е уште еден доказ за нашата желба за раст на Нант не само на француската, туку и на европската ракометна сцена“ – истакна Пелетие.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.