Официјално: Тодоров не е повеќе тренер на МЗТ Скопје! - Екипа
Сакај СПОРТ!   Читај Спорт!   Живеј СПОРТ!
Ekipa
Коментари
11/12/2017 12:49
Ракомет
11/12/2017 11:00
Меѓ. Фудбал
10/12/2017 19:26
Кошарка
10/12/2017 19:35

Официјално: Тодоров не е повеќе тренер на МЗТ Скопје!

Официјално: Тодоров не е повеќе тренер на МЗТ Скопје!

Александар Тодоров повеќе не е тренер на екипата на МЗТ Скопје Аеродром, информираа и официјално вечерва од редовите на македонскиот шампион.

Управата на клубот вечерва ја прифати неговата оставка поднесена од морални причини по синоќешниот пораз на домашен терен од Работнички. Како што информираат од МЗТ Скопје, клупските челници имале подолг разговор со Тодоров да се најде вистински начин за излез од кризата но сега веќе досегашниот теренр цврсто останал на одлуката за оставка од тренерската функција.

„Клупските челници со досегашниот стратег имаа долг разговор во обид да се најде вистински начин за излез од кризата, по кој на Тодоров, откако цврсто остана на својата одлука, му заблагодарија на се што стори за „металците“ во периодот кој е зад нас.

Станува збор за тренер чие име засекогаш со златни букви ќе остане запишано во клупската историја како прв кој ја донел шампионската титула во „Јане Сандански“, кој изминативе години во повеќе наврати даде сѐ од себе во полза на МЗТ Скопје Аеродром. Покрај работата на теренот, тој летово имаше важна улога и во обезбедувањето на значаен дел финансиски средства неопходни за нормална работа на клубот по турбуленциите кои се случија во изминатиот период. Нешто што исто така никогаш нема да биде заборавено.

Напуштањето на тренерската позиција, сепак, не мора да значи и целосно заминување на Тодоров од нашиот клуб, со оглед што тој доби отворена понуда да продолжи да работи на позиција која дополнително би била договорена. Досегашниот стратег побара време за размислување за да реши што ќе биде следен чекор во неговата кариера.

Управата на клубот веќе напорно работи околу пронаоѓањето на неговиот наследник, со оглед на цајтнотот во кој се најдовме поради исклучително важниот меч кој не очекува в недела дома против Морнар. Разговорите со потенцијални кандидати за наследник на Тодоров веќе се прават и многу брзо официјално ќе биде објавено името на новиот тренер на МЗТ Скопје Аеродром“ – се вели во официјалното соопштение од канцеларијата на МЗТ Скопје Аеродром.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.