Охрид издржа само едно полувреме - Нов убедлив пораз во АБА2 лигата - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
17/11/2017 20:24
Фудбал
17/11/2017 15:37
Ракомет
17/11/2017 12:37
Кошарка
17/11/2017 9:55

Охрид издржа само едно полувреме – Нов убедлив пораз во АБА2 лигата

Охрид издржа само едно полувреме – Нов убедлив пораз во АБА2 лигата

Екипата на Охрид доживеа нов пораз во втората лига на АБА, откако во салата „Билјанини извори“ гостинскиот состав на Рогашка славеше со високи 78-56 (20-13, 17-22, 20-13, 21-8). За охриѓани ова е петти пораз на исто толку натпревари во второто по ранг јадранско првенство, иако во првото полувреме имаа надеж за позитивен резултат. Словенечката екипа пак, ја забележа втората победа по пет кола, но со трите порази останува во долните дел од табелата.

Домаќините се најдоа во двофицрена негатива уште на стартот од средбата(20-10), но серија од 17-4 која почна од првиот период ја продолжија во втората четвртина, па во завршните четири минути Охрид за прв пат водеше на мечот, но и тоа водство го загубија пред паузата, па резултатот по 20 минути игра гласеше 37-35 во корист на Рогашка. Уште на почетокот од второто полувреме Охрид одново мораше да брка двоцифрена негатива, сепак словенечкиот вицешампион не дозволи ново изненадување, па до крајот на средбата само ја зголемуваа разликата, за конечен исход од 78-56.

Кај Охриѓани најефикасен кошаркар на паркетот беше новото засилување Емир Зимиќ кој имаше дабл-дабл ефект со 15 поени и 12 скока, додека Станислав Цонков додаде 10 поени. Рашун Дејвис го предводеше тимот на Рогашка со 32 поени, додека Леон Шантељ и Митја Николиќ завршија со по 16 поени.

 

 

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.