Олимпијакос му даде отказ на Паоло Бенто - Екипа
Сакај СПОРТ!   Читај Спорт!   Живеј СПОРТ!
Ekipa
Фудбал
24/03/2017 15:49
Останато
24/03/2017 9:27
Фудбал
24/03/2017 8:50
Фудбал
23/03/2017 18:35

Олимпијакос му даде отказ на Паоло Бенто

Олимпијакос му даде отказ на Паоло Бенто

Грчкиот првак Олимпијакос се раздели со тренерот Паоло Бенто, по третиот последователен пораз во шампионатот. „Црвено-белите“ загубија на гости против ПАОК со 2-0, и тоа ја прели чашата кај раководството на клубот. Португалскиот стратег си заминува од кормилото, а негов наследник до крајот на сезоната ќе биде Василис Вузас, кој досега ја предводеше младинската академија на клубот.

„Ако ги загубите двајцата најдобри фудбалери, тоа веќе не е истиот тим. Тоа го посочував уште пред да се случи ваков пад. Сепак, благодарност до клубот и пред се до навивачите за убавите мигови“, изјави Паоло Бенто.

Грчкиот тим во зимскиот преоден рок ги продаде напаѓаќот Браун Идеје и играчот за врска Лука Миливојевиќ, а без нив тимот не игра на истото ниво.

Олимпијакос по 23 одиграни кола се наоѓа на лидерската позиција во првенството на Грција со 51 освоен бод, но и натпревар повеќе од второпласираниот Паниониос, кој досега освои 44 бода.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.