Отворен ден за дружење со хероите: В недела во ФФМ запознајте се со младите репрезентативци! - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
26/04/2017 22:45
Кошарка
26/04/2017 21:38
Кошарка
26/04/2017 20:49
Ракомет
26/04/2017 19:27

Отворен ден за дружење со хероите: В недела во ФФМ запознајте се со младите репрезентативци!

Отворен ден за дружење со хероите: В недела во ФФМ запознајте се со младите репрезентативци!

На стартот од подготовките за тест дуелите против Црна Гора и против Бугарија Фудбалската федерација на Македонија в недела (19. март) од 14 до 15 часот организира отворен ден за дружење со фудбалерите од младата наша репрезентација на терените во Куќата на Фудбалот.

Сите љубители на фудбалот, оние кои искрено го сакаат, и кои имаа желба да се запознаат со младите херои кои ја однесоа Македонија на Европското првенство во Полска, се добродојдени на терените во Куќата на Фудбалот. Ќе можат да се запознаат, да се фотографиираат со фудбалерите, да разменат по некоја фудбалска “финта” и секако да ја почувствуваат позитивната енергија која ја носат нашите млади фудбалери, а веќе големи професионалци и изградени личности. Децата ќе можат да се дружат со своите идоли, а сите други да им оддадат признание за најголемиот успех на македонскиот фудбал во неговата историја, и да им посакаат успех и во Полска.

„Фудбалот е најпопуларниот спорт во Македонија, кој бара посветеност, напорна работа, позитивна енергија за фер натпревар, отвореност, взаемно почитување и тимска работа. Токму овие вредности и добрата отмосфера во тимот, ни овозможија да создадеме една синергија и вплотеност невидена досега во нашиот фудбал. Овие млади момци покажаа карактер, истрајност и ги заслужуваат сите почести. Она што го направија никогаш нема да биде заборавено. Но еуфоријата и признанијата ветуваме дека ќе бидат дополнителен мотив, и дека нема да престанеме и понатаму напорно да работиме. И во Полска ќе одиме на победи, и се надеваме дека повторно ќе ги стоплиме срцата на сите луѓе во оваа наша убава земја“ – вели македонскиот селектор Боби Милевски селектор, повикувајќи што поголем број на граѓани да дојдат во недела, и да ја почувствуваме енергијата на вплотеност и заедништво.

slika

„Младите генерации се фудбалската иднина, во нив како и во подобрување на фудбалската инфраструктурата и понатаму ќе се вложува, и ќе биде приоритет на работењето на ФФМ. Фудбалската федерација на Македонија и понатаму ќе биде отворена, транспарентна и проактивна, покажувајќи дека и значи мислењето на јавноста и дека секогаш ќе биде отворена за промени кои се во интерес на развојот на фудбалот“ – велат од Фудбалската федерација на Македонија.

 

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.