ПАО со жалба до Евролигата - за судиите и за Перо Антиќ - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
24/07/2017 22:22
Ракомет
24/07/2017 21:25
Ракомет
24/07/2017 20:37
Фудбал
24/07/2017 20:08

ПАО со жалба до Евролигата – за судиите и за Перо Антиќ

ПАО со жалба до Евролигата – за судиите и за Перо Антиќ

Раководството на Панатинаикос никако не може да се помири со катастрофалниот старт на серијата со Фенербахче, откако турскиот тим славеше на првите две средби во Атина и сега се наоѓа на чекор до пласман на фајналфор турнирот во Истанбул. Кој губи, има право да се лути, па така газдите на ПАО решиле да испратат и официјална жалба до Евролигата.

Во неа, прв на удар бил судијата Пукл, а споменат е и македонскиот ас Перо Антиќ. Имено, во втората четвртина дојде до мал конфликт меѓу Антиќ и Синглтон по кој и двајцата кошаркари добија технички грешки, но во ПАО се жалат дека нивниот Американец не заслужил такво нешто бидејќи воопшто не реагирал на „провокацијата на Антиќ“.

Меѓу другото, грчкиот тим се жали и на недосудениот фаул на Калиниќ врз Бурусис, како и на прекршокот на Диксон врз Синглтон што не бил регистриран од судиите по промашената тројка на Риверс во последната минута.

Челниците на ПАО заедно со жалбата испратиле и видео-снимки од овие спорни моменти, во обид да направат притисок врз арбитрите пред утрешниот дуел во Истанбул, бидејќи е јасно дека никако не може да се влијае врз конечниот исход и победата на Фенер забележана во Атина.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.