Пелистер го освои Прилеп, бод за „Пандевци“ на Чаир, Силекс го ’среди’ Скопје - Екипа
Сакај СПОРТ!   Читај Спорт!   Живеј СПОРТ!
Ekipa
Фудбал
19/10/2017 21:31
Фудбал
19/10/2017 21:09
Фудбал
19/10/2017 20:54
Фудбал
19/10/2017 20:50

Пелистер го освои Прилеп, бод за „Пандевци“ на Чаир, Силекс го ’среди’ Скопје

Пелистер го освои Прилеп, бод за „Пандевци“ на Чаир, Силекс го ’среди’ Скопје

Пелистер владее со Пелагонија и го освои Прилеп (1-2), Академија Пандев го освои првиот бод во елитата со реми (1-1) на Чаир против Шкупи, а Силекс минимално го победи Скопје со 1-0, за „тројка“ на стартот од шампионатот.

Пелистер покажува дека и оваа сезона ќе се бори за највисок пласман, откако ја совлада Победа на Могила со 1-2. Иве Трифуновски во 24.минута го доведе Пелистер со прецизен удар од 14 метри, а Победа израмни преку некогашниот „пелистерец“, Борче Маневски, од пенал, во 51.минута од средбата. Но, Лукас во 70.минута, по нафрлувањето на Тошевски од десната страна, реализираше за триумф на Пелистер во пелагониското дерби. Одличен прволигашки старт и за тренерот Срѓан Захариевски на клупата на „зелените“.

IMG_9533

Академија Пандев го освои првиот бод во елитната конкуренција, и тоа веднаш, во својот дебитантски настап, а може да жали и зошто не го освои Чаир. Љупчо Дориев беше стрелец на погодокот за „пандевци“, откако во 77.минута во соло пробив надмудри неколку противнички фудбалери и го совлада Зендели со шут од околу 15 метри. Но, Шкупи не се предаде така лесно и успеа да израмни во 89.минута. Хусеин Демири постигна еврогол за израмнување и еден бод на стартот од шампионатот.

skupi radost so pandevci

Во првото полувреме Јани Атанасов ја погоди гредата од слободен удар, а и Шкупи најчесто се закануваше по прекини на играта. Бајрами во 45.минута упати силен шут, но Вујанац го одбрани неговиот удар. Во второто полувреме, Јашароски имаше одлична шанса вбо 72.минута, но не реализираше. Но, потоа дојдоа и головите на Чаир.

Во Кратово, Силекс очекувано дојде до триумф над ФК Скопје, со 1-0. Решавачкиот момент се случи во десеттата минута, кога Маркос де Оливеира Жуниор се ослободи по десната страна, шутираше откосо и успеа да ја затресе мрежата на гостите.

ПРВА ЛИГА, 1.КОЛО – РЕЗУЛТАТИ

ПОБЕДА – ПЕЛИСТЕР 1-2

ШКУПИ – АКАДЕМИЈА ПАНДЕВ 1-1

СИЛЕКС – СКОПЈЕ 1-0

ВЧЕРА

РАБОТНИЧКИ – РЕНОВА 0-0

ШКЕНДИЈА – ВАРДАР 2-0

Табела: Шкендија 3, Пелистер 3, Силекс 3, Академија Пандев 1, Шкупи 1, Ренова 1, Работнички 1, Победа 0, Скопје 0, Вардар 0.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.