Перфектна организација на мечот од висок ризик, се согласија и Ѓорѓиоски и Дука - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
20/09/2017 17:32
Фудбал
20/09/2017 15:30
Ракомет
20/09/2017 13:46
Кошарка
19/09/2017 18:29

Перфектна организација на мечот од висок ризик, се согласија и Ѓорѓиоски и Дука

Перфектна организација на мечот од висок ризик, се согласија и Ѓорѓиоски и Дука

Македонија и Албанија одиграа 1-1 на стадионот „Младост“ во Струмица во дуелот од осмото коло од квалификациите за пласман на Светското првенство во Русија. Нашиот национален тим може да жали за пропуштените шанси за победа во завршницата од мечот, а селекцијата на западниот сосед го слави голманот Бериша, кој имаше неколку одлични интервенции,  спасувајќи бод за својот состав. Но, многу поважно од резултатот е тоа што мечот од висок ризик помина во најдобар можен ред, со перфектна организација.

Се сложија за тоа и домаќинот, претседателот на Фудбалската федерација на Македонија, Илчо Ѓорѓиоски, но и што е уште поважно, гостинот, претседателот на Фудбалската федерација на Албанија, Арманд Дука.

„Задоволен сум што организацијата на натпреварот кој УЕФА го прогласи за меч од висок ризик помина без ниту еден најмал инцидент, можам да кажам со перфектна организација. Уште еднаш го положивме испитот и докажавме дека Македонија е максимално подготвена за да организира вакви големи натпревари. Што се однесува до мечот, секако дека ми е жал што не успеавме да победиме, иако во финишот имавме многу можности за да постигнеме победнички гол“, изјави за ЕКИПА, Илчо Ѓорѓиоски.

Првиот човек на Фудбалската федерација на Албанија, Арманд Дука, исто така ја потенцира перфектната организација на натпреварот во Струмица.

„Морам да кажам дека се беше навистина одлично од организациски аспект. Искрено, и не очекував да биде толку добар прием, се беше перфектно за нашиот национален тим, можеби освен малку подолгото патување. Но, немаше инциденти, немаше проблеми, и генерално имавме одлични услови за да се одигра натпреварот гледано. Што се однесува до самиот мел, да бидам искрен, не заслуживме да победиме. Можевме да ги земеме сите три бода, а можевме да останеме и без ниту еден на крајот. Можеме да бидеме среќни со нерешениот резултат со кој сме многу блиску до конечното трето место во групата за СП“, истакна Дука.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.