Перо Антиќ потпишува за Црвена звезда! - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
20/09/2017 17:32
Фудбал
20/09/2017 15:30
Ракомет
20/09/2017 13:46
Кошарка
19/09/2017 18:29

Перо Антиќ потпишува за Црвена звезда!

Перо Антиќ потпишува за Црвена звезда!

Перо Антиќ новата сезона ќе ја мине во дресот на Црвена звезда, откако постигнал договор за соработка со актуелниот првак на Србија и на регионалната АБА-лига. Српските медиуми уште во текот на викендот пишуваа за евентуалниот камбек на најдобриот македонски кошаркар во редовите на „црвено-белите“, но според последните информации најважните детали од соработката се веќе средени и договорот ќе биде официјализиран во најскоро време.

Антиќ минатата сезона имаше мала минутажа во дресот на Фенербахче, а со доаѓањето на Мели сличен епилог се очекуваше и за новата сезона. Во ситуација кога се отвори можност за негов камбек во Црвена звезда, клуб за кој Македонецот не крие дека му е омилен, коцките набрзина се „склопија“ за тој да замине во Белград и повторно да го облече црвено-белиот дрес.

Со овој трансфер Црвена звезда ќе ја пополни „дупката“ во тимот на позицијата крилен центар, воедно и ќе го добие неопходното искуство на Антиќ, кое сигурно ќе му биде добредојдено на реновираниот тим на „црвено-белите“ во обидот да ја одбранат титулата во АБА, но и да стигнат до нокаут фазата од Евролигата.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.