Рома ја обнови соработката со аргентинскиот интернационалец Диего Пероти до 2021 година. Крилото на „волчицата“ потпиша двегодишно продолжување на својот договор, објави калчолигашот на својата официјална веб страница. Спортскиот директор Мончи истакна дека е среќен што и во иднина ќе соработува со 29-годишниот офанзивец.
„Врската која ја имам со Диего е посебна. Имав среќа и можност да ги надгледувам неговите први чекори во европскиот фудбал во Севилја, а сега ќе ми биде задоволство да му помогнам да се изгради како клучен играч за овој голем клуб“, вели Мончи.
Пероти се приклучи во тимот на Рома во јануари 2016 година, настапи на 78 натпревари во сите натпреварувања на кои постигна 17 погодоци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА