Пешевски: Направивме многу технички грешки - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
17/11/2017 20:24
Фудбал
17/11/2017 15:37
Ракомет
17/11/2017 12:37
Кошарка
17/11/2017 9:55

Пешевски: Направивме многу технички грешки

Пешевски: Направивме многу технички грешки

Ракометарот на Металург, Жарко Пешевски истакна дека големиот број на технички грешки беа пресудни во поразот против бранителот на титулата, Вардар. Пешевски имаше одличен учинок против вардарци, потигна 5 гола од 5 шута, но сето тоа не беше доволно.

„Според мене, одигравме лош натпревар, со многу технички грешки. Се надевам на следниот меч во Панчево ќе се обидеме да ги намалиме тие грешки, и да се обидеме да оствариме победа. Сепак, ние сме млада екипа, ни треба уште време да се приспособиме еден на друг, напорно работиме секој ден на тоа.  Сметам дека имаме квалитет за да направиме нешто повеќе во следните дуели“, истакна Пешевски.

Голманот на Вардар, Страхиња Милиќ, со шест одбрани придонесе неговиот тим да ја забележи првата победа во СЕХА-лигата на стартот од сезоната. Милиќ смета дека и двете екипи одиграа добро, но Вардар беше тимот кој ја контролираше играта во сите 60 минути.

„Одигравме добар натпревар, презедовме контрола уште од самиот почеток и во остатокот од мечот останавме фокусирани да ја одржиме разликата. Го направивме она што тренерот го бараше од нас, па задоволни сме со првата победа во новата сезона. Им посакувам успех на Металург во понатамошните натпревари во СЕХА-лигата“, изјави Милиќ.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.