Пред Антиќ и Црвена звезда потклекна и Макаби - Екипа
Сакај СПОРТ!   Читај Спорт!   Живеј СПОРТ!
Ekipa
Кошарка
23/11/2017 21:55
Фудбал
23/11/2017 20:53
Кошарка
23/11/2017 19:42
Фудбал
23/11/2017 19:31

Пред Антиќ и Црвена звезда потклекна и Макаби

Пред Антиќ и Црвена звезда потклекна и Макаби

Црвена звезда и оваа сезона покажува дека ќе биде тежок залак за сите ривали во Евролигата, откако во вториот меч во Белград  „црвено-белите“ ја забележаа и втората победа. По Барселона, вечерва пред Перо Антиќ и соиграчите потклекнаа и кошаркарите на Макаби, на кои и предноста од десет поени од првото полувреме им беше недоволна за да го освојат Белград.

Поголемиот дел од првото полувреме мина во израмнета битка, но гостите од Израел одиграа фуриозно во последните десет минути и на одмор заминаа со огромни 39-49. Црвена звезда не само што не се откажа, туку и експресно се врати во мечот по серијата прецизни шутеви на Бјелица. Финишот беше неизвесен до последниот свиреж на судијата, откакоо Макаби израмни на 84-84, пред Рочести да погоди од положување за водство на Црвена звезда (86-84) на 15 секунди до крајот. Макаби во последниот напад тргна на тројка преку својот дотогаш најдобар играч Томас, неговиот обид не беше прецизен, па „црвено-белите“ на крајот забележаа уште една голема победа на домашен терен.

Перо Антиќ го заврши мечот со седум поени, три скока и две асистенции, а најефикасни кај шампионот на АБА-лигата беа Рочести со 22 и Фелдеин со 19 поени. Најефикасен кај Макаби беше Дешон Томас, но неговите 28 поени сепак беа недоволни за триумф во Белград.

Реал Мадрид во четвртото коло ја забележа и својата четврта победа, триумфирајќи убедливо на гостувањето против Жалгирис со 66-87. Лука Дончиќ повторно беше феноменален со 28 поени, 9 скокови и 4 асистенции за „кралскиот клуб“, целосно преземајќи ја улогата на лидер на „кралскиот клуб“ во ситуација кога Љуљ е повреден.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.