Прибак во октомври се враќа во репрезентацијата - Екипа
Сакај СПОРТ!   Читај Спорт!   Живеј СПОРТ!
Ekipa
Кошарка
12/12/2017 22:01
Ракомет
12/12/2017 17:39
Ракомет
12/12/2017 11:00
Коментари
11/12/2017 12:49

Прибак во октомври се враќа во репрезентацијата

Прибак во октомври се враќа во репрезентацијата

Немања Прибак повторно ќе биде дел од македонската репрезентација во претстојата ЕХФ-недела закажана за вториот дел од месец октомври. Средниот бек и по заминувањето од Вардар продолжи со добри игри во дресот на Бешикташ, тим со кој вчера славеше на гостувањето во Скопје против Металург, а Прибак беше еден од најдобрите поединци на теренот.

Раул Гонзалес веќе најави дека за претстојната ЕХФ-недела нема да закажува натпревари, туку планира да одработи тренинзи со ракометарите, се со цел тие што подобро да ги прифатат неговите идеи во пресрет на ЕП 2018 во Хрватска. Шпанскиот стратег веќе разговарал со Немања Прибак и му соопштил дека ќе биде дел од тимот што ќе тренира заедно во текот на следниот месец. И кај самиот ракометар постои желба за камбек во националниот тим, а претстојната ЕХФ-недела ќе биде идеална можност за тој да се наметне кај својот поранешен тренер од Вардар за потоа да се најде и на списокот за Европското Првенство во Хрватска.

Немања Прибак по одличните игри за Вардар доби понуда за македонски пасош и почна со настапи за Македонија на ЕП 2014 во Данска. Тој последен пат беше дел од нашиот национален тим на гостувањето во Чешка каде претрпевме убедлив пораз, по што потоа беше избришан пред СП во Франција од страна на тогашниот селектор Лино Червар.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.