Проблемите на Класниќ со бубрезите се поради лекарите на Вердер: Добива отштета од 100.000 евра - Екипа
Сакај СПОРТ!   Читај Спорт!   Живеј СПОРТ!
Ekipa
Фудбал
26/06/2017 10:05
Останато
25/06/2017 20:21
Фудбал
25/06/2017 11:43
Кошарка
25/06/2017 10:28

Проблемите на Класниќ со бубрезите се поради лекарите на Вердер: Добива отштета од 100.000 евра

Проблемите на Класниќ со бубрезите се поради лекарите на Вердер: Добива отштета од 100.000 евра

Судот во Бремен донесе денеска пресуда во корист на поранешниот хрватски репрезентативец, Иван Класниќ кој ги тужеше лекарите од својот поранешен клуб Вердер Бремен за груби грешки кои предизвикале губење на бубрезите.

„Клупскиот доктор Димански и докторката Манја Гуха направиле груби лекарски грешки поради што се одговори за губењето на бубрегот на Иван Класниќ и сит здравствени проблеми кои потоа следеле“ – истакна судијата Клеменс Болај.

Двата лекари се должни на Класниќ да му исплатат отштета од 100.000 евра за претрпената болка, и плус да ги сносат дополнително сите лекарски трошоци кои следеле потоа за хрватскиот фудбалер. Покрај ова, Класниќ има право и на нематеријална отштета, но висината на истата дополнително ќе биде соопштена.

Судот во Бремен утврдил притоа дека, само во 2007 година поради неможноста да ги исполнува своите професионални обврски Класниќ претрпел материјална штета во висина од еден милион евра. Докторите се виновни за сета „материјална и нематеријална“ загуба на фудбалерот.

Интересно е дека во периодот од 2002 до 2005 година двајцата доктори воопшто не препознавале наоди во кои, според сведочењето на стручни лица, било дека има показатели дека нешто не е во ред со бубрезите. Ако навреме се реагирало ќе се спречела болеста. Проблемите со бубрезите биле откриени случајно во 2005 година при операција на слепо црево.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.