Пролет со триумф на дербито во Охрид го чека новиот тренер Матлиески - Екипа
Сакај СПОРТ!   Читај Спорт!   Живеј СПОРТ!
Ekipa
Кошарка
23/11/2017 21:55
Фудбал
23/11/2017 20:53
Кошарка
23/11/2017 19:42
Фудбал
23/11/2017 19:31

Пролет со триумф на дербито во Охрид го чека новиот тренер Матлиески

Пролет со триумф на дербито во Охрид го чека новиот тренер Матлиески

Ракометарите на Пролет со триумф во дерби пресметка од 6. коло во ВИП Суперлигата на гостувањето против Охрид, ќе го чекаат својот нов тренер Никола Матлиески кој од утре треба да ја преземе клупата на скопјани.

Пролет денеска славеше против Охрид со 19-21, иако пред само неколку денови остана без својот долгогодишен тренер Илија Темелковски кој се пресели на клупата на Еурофарм Работник. Од утре нов тренер на Пролет треба да биде Матлиески, кој досега го предводеше тимот на Металург 2.

Најефикасен во редовите на Пролет во денешната победа над Охрид беше Филип Ролевски со 8 постигнати гола, а по три постигнаа Андоновски и Џонов. Кај охриѓани по три гола запишаа Младеновски, Тасески, Адамовиќ и Димитријески.

Илија Темелковски, пак, дебитираше со триумф на клупата на Работник. Битолчани убедливо со 31-24 славеа против Борец. Во третиот денешен натпревар Металург 2 ремизираше (24-24) на гостувањето против Радовиш.

Табела - ракомет

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.