Просинечки: Нема да бидам селектор ниту на Србија, ниту на Хрватска - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
24/11/2017 17:32
Кошарка
23/11/2017 21:55
Фудбал
23/11/2017 20:53
Кошарка
23/11/2017 19:42

Просинечки: Нема да бидам селектор ниту на Србија, ниту на Хрватска

Просинечки: Нема да бидам селектор ниту на Србија, ниту на Хрватска

Роберт Просинечки како поранешен фудбалски генијалец како играч остави силен белег во поранешна Југославија, па неслучајно во последните неколку години тој се поврзува и со тренерски ангажман на овие простори. Иако моментно е без ангажман по истекот на договорот како селектор на Азербејџан, Просинечки јасно става до знаење дека не планира да работи во поранешна Југославија поради претераниот притисок што се врши врз тренерите.

Тој е споменуван како можна опција за селектор на Хрватска, но и на Србија по заминувањето на Муслин, но во разговор за „Вечерњи лист“ поранешниот фудбалер на Црвена звезда јасно става до знаење дека не е заинтересиран за ваков ангажман.

„Кога и да се испразни некое место во Загреб или во Белград, веднаш во медиумите се појавува моето име. Искрено, изморен сум од сите тие приказни, што и да кажам другата страна ќе коментира. Да се разбереме, јас немам оптоварување со националноста, но нема да бидам селектор на Србија, ниту пак на Хрватска. Моите планови се врзани со преземање на клуб, но не на овие простори. Тоа би ми содало огромен притисок, знам со што се соочуваат тренерите во регионот, па затоа и јас и сопругата повеќе се радуваме кога ќе добиеме понуди од Кајсери или пак од Баку“ – изјави Просинечки за „Вечерњи лист“.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.