Работнички за продолжението од сезоната се засилува со американскиот кошаркар Расел Робинсон, кој вечерва треба да пристигне во Скопје на официјализација на договор со тимот од Градски парк.
31-годишниот Робинсон, кој игра на плејмејкерската позиција, доаѓа од полски Шчечин, а претходно во својата кариера настапувал и за екипите на Хувентуд во Шпанија, турски Трабзон како и грчаката Кавала.
Дебито за Работнички, Расел Робинсон ќе го има уште утре на натпреварот против Фени Индустри во „Градски парк“. Во тимот се враќа и Ѓорѓи Чековски, по издржувањето на суспензијата, која ја влече од минатата сезона.
Работнички во првото коло од новата сезона во домашниот шампионат славеше на гостувањето против Куманово.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
