Русија одигра уште еден силен контролен натпревар во пресрет на СП 2018, ремизирајќи на домашен терен против силната Шпанија, во одличен меч што заврши со дури шест постигнати погодоци (3-3).
Кога „фуријата“ за триесетина минути игра преку Алба и Рамос поведе со 0-2 се чинеше дека прашањето на победникот е решено, но домаќините покажаа карактер и се вратија и со головите на Смолов и на Миранчук (41. и 51. минута) стигнаа до израмнување.
Рамос постигна и втор погодок, овојпат од пенал, но и тоа беше недоволно за Шпанците да триумфираат откако „зборнаја“ повторно го израмни резултатот, овојпат преку Смолов за конечни 3-3.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
