Реал Мадрид го сака младиот Кепа за нов чувар на мрежата - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
13/12/2017 22:12
Фудбал
13/12/2017 14:50
Меѓ. Фудбал
13/12/2017 14:42
Кошарка
12/12/2017 22:01

Реал Мадрид го сака младиот Кепа за нов чувар на мрежата

Реал Мадрид го сака младиот Кепа за нов чувар на мрежата

Реал Мадрид следното лето ќе тргне по ангажман на млад голман кој ќе претставува долгогодишна замена за Кејлор Навас. Но, „кралевите“ изненадуваат со својот избор, нема да атакуваат на светските имиња како Донарума, Куртоа, па дури и неиполнетата желба Де Хеа, туку ќе се обидат да го ангажираат младиот шпански чувар на мрежата, Кепа Аризабалага од Атлетик Билбао.

Баскискиот голман поседува огромен потенцијал, и што е најважно има доста искуство и покрај тоа што има само 22 години. Пред две сезони бранеше во втората шпанска дивизија, беше дел од тимот на Валјадолид, а меѓу стативите стоеше цела сезона. Лани настапи на 23 натпревари во домашното првенство во дресот на Билбао, каде осум пати ја сочува мрежата.

Како најсветла точка во неговата досегашна кариера е настапот на ЕП во Полска за фудбалери до 21. година, каде со Шпанија го освои сребрениот медал. Како знак дека неговиот напредок е забележан, селекторот на „црвената фурија“ Хулен Лопетеги, го награди Аризабалага со место во сениорскиот национален состав, но младиот голман трпеливо го чека своето деби.

Сега веќе стандарден кај Хосе Анхел Зиганда, Кепа претставува еден од најперспективните голмани, па не изненадува фактот дека токму Реал се интересира за неговите услуги.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.