Реал тргна со победа во четвртфиналето од Евролигата - Екипа
Сакај СПОРТ!   Читај Спорт!   Живеј СПОРТ!
Ekipa
Фудбал
19/10/2017 21:31
Фудбал
19/10/2017 21:09
Фудбал
19/10/2017 20:54
Фудбал
19/10/2017 20:50

Реал тргна со победа во четвртфиналето од Евролигата

Реал тргна со победа во четвртфиналето од Евролигата

Реал Мадрид славеше со 83-75 на дуелот со Дарушафака, поведувајќи со 1-0 во четвртфиналната серија против незгодниот турски претставник во Евролигата. „Кралевите“ ја оправдаа фаворитската улога, но изненадувачки наместо со атомски напад овојпат мечот го добија со цврста одбрана, покажувајќи зошто важат за најкомплетен тим во Европа.

Дарушафака одлично парираше во првото полувреме, стартната четвртина добивајќи ја со 16-24, но потоа избраниците на Дејвид Блат го загубија ритамот во нападот. Турскиот прволигаш замина на одмор со минимална предност од 36-37, за потоа Реал да ја преземе контролата врз резултатот во второто полувреме. „Кралскиот клуб“ имаше „плус четиринаесет“, потоа на три и пол минути до крајот водеше со 74-64, но гостите не се откажаа, па на 90 секунди до крајот намалија на 76-72.

Вонамејкер реализираше со дополнително слободно фрлање намалувајќи на 78-75, но Љуљ искусно изнуди прекршок, а по промашеното второ слободно фрлање следеше офанзивен скок по кој истиот кошаркар погоди за 81-75, на 35 секунди до крајот, разрешувајќи ги дилемите околу победникот на оваа средба, што заврши со конечни 83-75.

Љуљ со 23 и Ајон со 14 поени беа единствените двајца домашни кошаркари со двоцифрен ефект, а најдобар стрелец кај Дарушафака повторно беше Вонамејкер, кој реализираше 21 поен.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.