Роси прослави „десетка“ во Асен, Маркез во „фотофиниш“ до третото место - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
20/09/2017 17:32
Фудбал
20/09/2017 15:30
Ракомет
20/09/2017 13:46
Кошарка
19/09/2017 18:29

Роси прослави „десетка“ во Асен, Маркез во „фотофиниш“ до третото место

Роси прослави „десетка“ во Асен, Маркез во „фотофиниш“ до третото место

Валентино Роси се врати во игра за титулата во Мото ГП шампионатот откако „докторот“ триумфираше во фантастичната трка за ГН на Холандија што се возеше на патеката Асен. За италијанската мото-легенда ова е прва победа сезонава, воедно и прв триумф во Мото ГП по повеќе од една година пауза, со што Роси сериозно му се приближи на Довициозо во генералниот пласман.

Денешната трка мина во знакот на бројните претркувања и промени меѓу водечките. Роси на три круга до крајот го претрка Петручи, а потоа и покрај огромниот притисок од својот сонародник сепак успеа да се задржи на првото место, финиширајќи ја трката за сантиметри пред незгодниот ривал. За „докторот“ ова е десетта победа во Асен, прва во Мото ГП по пауза од 385 дена откако лани славеше на патеката „Каталуња“.

Интересна битка се водеше и за третата позиција, каде Маркез на стартно-целната рамнина при самиот финиш го мина Крачлоу и се искачи на пиедесталот.

Довициозо, кој денеска го освои петтото место, останува на чело на генералниот пласман со 115 бода, пред Вињалес со 111, додека Валентино Роси со денешниот триумф „скокна“ на третото место со само седум бода заостанување зад водечкиот.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.