Хокеарите на Русија го освоија златниот медал на Зимските олимписки игри во Пјонгчанг, славејќи во финалето против Германија дури во продолжението со 4-3.
Победоносниот гол за Русите го постигна Кирил Капризов овозможувајќи и на Русија да го освои првото олимписко злато во хокеј по цели 26 години, од Игрите во 1992 година во Албервил.
Капризов во финалето имаше и уште три асистенции, а два гола плус и со две асистенции имаше Никита Гусев. Гусев всушност ја спаси Русија со гол на 55 секунди пред крајот на регуларниот дел израмнувајќи на 3-3 за продолжение.
Германија, пак, со освојувањето на сребрениот медал стигна до најдобар резултат во својата историја во хокеј на едни Зимски олимписки игри.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
