Шкендија во опасна мисија: Како да се преживее на „Сан Сиро“? - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
18/11/2017 19:25
Ракомет
18/11/2017 18:59
Ракомет
18/11/2017 15:36
Кошарка
18/11/2017 9:26

Шкендија во опасна мисија: Како да се преживее на „Сан Сиро“?

Шкендија во опасна мисија: Како да се преживее на „Сан Сиро“?

Македонскиот вицепрвак Шкендија ќе ја има привилегијата вечерва (20.45 часот) да истрча на „Сан Сиро“ и да му се спротивстави на седумкратниот освојувач на Лигата на шампионите, италијанскиот гигант Милан во плејофот за пласман во групната фаза од Лигата на Европа. Но, покрај убавината да се игра на стадионот во Милано, фудбалерите на Шкендија секако сакаат да се претстават во најдобро светло и да остварат резултат, што ќе им ги задржи надежите дека можат да направат чудо и да го елиминираат големиот ривал.

Како да се преживее на „Сан Сиро“? Сигурно тоа е главната мисла што ги опкружува тренерот Ќатип Османи и фудбалерите на Шкендија.

„Илузорно е да се зборува за големината на Милан и за традицијата што ја има овој фудбалски гигант. Но, тоа не не заплашува, напротив, уште повеќе не мотивира да одиграме добар натпревар на „Сан Сиро“ и да се обидеме да забележиме позитивен резултат. Ќе биде тешко, тоа е јасно, но ова е плејоф за пласман во групите од Лигата на Европа“, порачува тренерот Ќатип Османи.

skendija san siro 2

Капитенот Ферхан Хасани секако признава дека Милан е голем фаворит во двомечот со Шкендија, но и исто така потенцира дека македонскиот тим ќе се бори до последните атоми од силата за да направи сензација.

„Милан е голем фаворит, тоа не можеме да го негираме, но ние дојдовме во Милано да одиграме најдобро што знаеме и да се обидеме да забележиме добар резултат. Ќе биде привилегија да се игра на „Сан Сиро“, но исто така имаме и обврска да се спротивставиме силно и да го репрезентираме клубот и македонскиот фудбал најдобро што знаеме и умееме“, вели Ферхан Хасани.

Тренерот на Милан, Винченцо Монтела најави дека „росонерите“ ќе истрчаат во најдобриот состав, сакајќи да обезбедат предност пред реваншот во Македонија.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.