Што и да се случи со Вардар, Раул останува селектор на Македонија - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
19/09/2017 12:25
Фудбал
19/09/2017 11:51
Фудбал
19/09/2017 11:20
Коментари
18/09/2017 13:09

Што и да се случи со Вардар, Раул останува селектор на Македонија

Што и да се случи со Вардар, Раул останува селектор на Македонија

Иднината на Раул Гонзалес на клупски план е максимално неизвесна откако Сергеј Самсоненко најави заминување од РК Вардар. Шпанецот не крие дека ќе почне да ги разгледува опциите за следен чекор во кариерата за наредната сезона, но одлична вест за македонската јавност е што Раул нема намера да си замине од кормилото на нашиот национален тим, планирајќи максимално да го испочитува договорот што го има со Ракометната Федерација на Македонија.

„Тоа што од идната сезона ќе си заминам од Вардар поради најавата на вардаровиот спонзор Сергеј Самсоненко дека од идната сезона нема повеќе да инвестира во Вардар, не се однесува и на македонската репрезентацијата. Јас и понатаму останувам на селекторското место, имам договор со Ракометната федерација на Македонија (РФМ) и истиот ќе го почитувам. Нѐочекува Европското првенство (ЕП), кое следната година ќе се одржи во Хрватска, а на кое и Македонија обезбеди настап. Во Македонија се чувствувам одлично, а ракометот е многу популарен спорт, кој има голем број приврзаници, што се виде и при нашето освојување на европската круна“ – вели Гонзалес во изјава за весникот „Нова Македонија“.

Гонзалес дојде на чело на националниот тим откако Лино Червар ја остави репрезентацијата на цедило, со неколку избришани првотимци и убедлив пораз од Чешка во рамките од квалификациите за ЕП 2018. Шпанецот дебитираше со убедлива победа над Исланд, ја крена самодовербата и обезбеди пласман на ЕП, и тоа како првопласирана селекција во групата.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.